Tan ita Tripura nung train senzü tenzüktsü

Agartala (Tripura), April 20 (Agencies): Tan ita nungi tenzüka Tripura nungi linük tesem balalai aoba Passenger aser khu abenba train senzü tenzüktsü, ta tanü sorkar ketdangser kati metetdaktsü.
Tripura Transport Secretary, Samarjit Bhowmick-i, “Tan ita iba anasa aliba Jirania tashi khu abenba train senzütsü atema Railway Ministry-i temelaba shidi agütsüogo, aser state-i Jirania station nung jang agizüktsü atema nüngdakba inyaktsü asoshi Food Corporation of India (FCI) dang shiogo,” ta paisa ashi.
Iba dak alia tan ita nungi Kanchanjangha Express-a yang nungi senzü tenzüktsü, ta ketdangserisa metetdaktsü.
April ita nungi tenzüka yang nungi Silchar tashi passenger train senzütsü atema ministry-i mulungogo, ta paisa ashi.
Taküm March ita nung Tripura ya broad gauge railway map nung denogo aser khu abenba train February 22 nü mezüng tendanga Assam, Badarpur jila nungi Agartala atong.