Tanela telungjem – T.Ken 133:1-3

“Ajiang, adianutem külemi telungjem nung alitsü koda tajung aser jangratemtsü!” (t.1). Iba ken züluba mapang nung nüngdakba ama tanüa kasaji nüngdaker. Asenoki adianu aser ayianu külemi telungjem nung alitsü bilemer. Parnoki kasa yimya lemsateper kechiaser parnok tsürabur kasa. Ki toktsür mao tashi, parnok kasa ki nung alir aser kasa langbang nung chiyonger.
Ano, Tsüngremer nüburtem külemi telungjem nung alitsü asenoki yimlar- saka temesüktep masü. Kinungpu aser kinüngtsü mesüktepa masür. Tanurtem kibong nung kwi lidir, parnok mesüktepa masür. Kasa tsüraburi asoba tanurtem mesüktepa malitsü, saka parnok ajakji kibong nungi, kibong ka meyong lir. Yamaji Tsüngremia Pa chirtem rongnung temesüktep meimlar; Pai telungjem aginer.
Ken züluri tanelaren telungjem ana terasa asenok nem agütsür. “Ibai tekolok nung senti totzü alokba, koba bangsemu manung, oda Aaron bangsemu yanga aluba mesüka lir” (t.2). Aaron teku manung lung terana aketba teku semoksü asem- lung shiaji Israel kin ka temaitsü. Item lung ajak manung totzü yanga alu aser totzü mezüba nung parnok ajak ka aküm. Ibaji Tsüngrem Tanela Temeshi noksa lir, shibai Yisu Khrista temang nung asenok baptitsür aser tanelaren asenok lungjemdaktsür. Telungjemji langka asenoki yangluba masü; ibai Tsüngremi langka asenok nem agütsüba lir.
Tanelaren telungjem tejang atangba azüngtsü ama lir. “Hermon tenem nung azüngtsü ama lir” (t.3).
Tenem azüngtsü den Tsüngremer temoatsü arur.
Asenoki tanela telungjem nung alitsüla. Na a telungjem nung shilem ka asütsü Tsüngrem dang asüngdangang, tebilemtsü shilem ka masü.
Khrista temang nung shilem ka ama Khristan telungjem asoshi na ne shilem inyaktsüla. Tanela Temeshi adianutem den telungjem nung alitsü yarir. Terunem totzü aser tanelaren azüngtsü ne taküm nung alitsü sarasademang.