Tanelai jangrar, saka shiji tashi mait (Mtt. 26:41).

Ne O bendangba lenmang nung onoki Na asoshi ataa ali; Ne tenüng aser Na bilemtettsü asoshi ozü tanela tejangraba lir. Kü nela agi ni Na aonung jangraa ali, au, kü telunglen tanela agi ni Na yakta bushitsü, kechiyong Ne O bendangba kodang alima nung lidir, alima nung alir nisungtemi temeshiba agizüker (Isa. 26:8,9).
Kechiyong kü dak, oda kü shi nung kecha tajung mali ta ni metet: kechiaser temulungtettsü kü dak lir, saka koba tajung aji inyaktsü kü dak mali. Kechiyong kü temulung nung ni Tsüngrem ozüng nung pelar, saka tanga ozüng ka kü tenük-telen nung ni angur. Iba jagi kü temulung ozüng kübok ni tepuoker ka ama bener arur (Rom 7:18,22,23). Kechiyong shi-i jangrabaji Tanela anema, aser Tanelai jangrabaji shi anema, kechiaser iba anaji anemer; anungji nenoki kechi inyakner aji meinyaker (Gal. 5:17). Khrista shibai ni tashi itdaktsür Pa dak ni ajak inyaktsü akok (Fil. 4:13). Onok pei sasa nungi langka lir ta onoki Kü taochi na asoshi teperi (2 Kor. 12:9).
Ne dak O Kibuba, ni jenoker;
Ni kodanga mak tesüdaktsü;
Ne temeshiba nung ni kümzükang.
Ne tenarong kü tsütsü shiang; ni kara kümzükang; Na ni asoshi tashi tait, ni kümzüktsü tashi tait mitsa ka liang. Amen.