Tanep 5:00 ako nungi Assam mokdanger

Dimapur, July 2 (Agencies): Sorkari telok trok nem Scheduled Tribe jenjang magütsüba anema Kuch-Rajbongshi, Moran, Motok, Tai Ahom, Chutia aser Tea Tribes-i asüng Assam mokdangtsü ayongzükogo.
Parnoki Hombar anepdang 5:00 ako nungi tenzüker ghonda 12 mokdangtsü ta metetdaktsüogo.
Iba mokdang ajanga Assam kübok Nagaland den arttsüa aliba district tem- Sivasagar, Jorhat aser Golaghat nung kanga amshitsü akok. Anungji, senzüsenbongertemi item district tem adena mesenzü tajungba asütsü.