Tanep keyii anü achitsü

Kolkata, March 8 (Agencies) : 2016 küm mezüngbuba keyii anü achibaji March 9, 2016 nü ataloktsü. Iba anogo nung anü aser alima tsüngda ita süitsü aser ibajagi alima nungi anü tongdangtsü.
India nungbo asüng keyii anü achibaji tera dang angutsü aser ibaji asüngnep 5:38 ako nungi tenzüker 6:50 ako tashi nung angutsü.
“India kübok anüdok tsütsülen aliba tesemtem nung keyii anü achiba tera angutsü” ta MP Birla Planetarium, Kolkata director, Dr Debiprosad Duari-i ashi.
Keyii anü achiba ajunga angutsüba tesemtemji Indian Ocean nungi tenzüker anüdoklen aliba Asia linüktem- Sumatra, Borneo, Sulawesi aser Australia kübok asetkong kar nung angutsü aser iba sülen Pacific Ocean süia tembangtsü.
Kolkata nung anepdang 5:51 ako nung anü adokba mapang keyi anü achiba angutsü aser anepdang 6:06 ako meta tejangjaba angutsü, ta paisa ashi.
Kolkata den külemi India nung keyi anü achiba angutsü aliba tesemtemji Siliguri, Coochbehar, Guwahati, Puri, Chennai aser Kanyakumari lir, ta Dr Debiprosad-isa metetdaktsü.
India kübok northeast nung alirtemi Bodbarnep keyii anü achiba tenzükba mezüng angutsü. Imphal, Manipur nungbo keyii anü achibaji ghonda ka ser minute 21 jungnüa alitsü saka anü ajunga tongdangbabo mangutsü.