Tang Agizüktsü Mapang – Isaiah 61:1-2

Tsüngremer mapangji tabensa! Kodang pai jembir, tashi anga langzüktsübaji tang mapang lir. Aiben asenoki alima nung mapang ajak nung Pa dang tashi angatsü mapang lir ama inyaker, saka otsüi asenoki nangzükba inyaktsü ataa malir. Tsüngrem den nangzüktepba timtemtsü idakji mapang mali. Asenoki tashi angatsü mesüra mangatsü ibaji dang lir. Ibai tamang mesüra mamangba, tashi angaba, mesüra mangaba tasüngdangba dang lir.
Kodang Tsüngremi tang tagizüktsü mapang ta metetdaktsüdir, iba sülen nai kechi inyaker aji lendong. Tsüngrem nungi o arudang aikati merenemi atar. Tsüngremi ashir, “Tang nai kü dang langzütsü mapang” aser parnok telangzübaji, “Saka ni renema mali. Ni kü nüngdak kar tama inyaktsü. Ni kanga dang mazüng!” ta langzür (Matt. 8:21). Tsüngremer mapangji teti tabensa. Pai na metet, aser Pai ne mapang teti mita alir. Tsüngremi tang tashi ne taküm nung kechisa yanglu metetta lir, aser Pai ne nem kechi agütsü aji teperi ta metetta Pai tajaba agütsür.
Iba yongji Laishibai ashir Tsüngremi ne mulungjang aginer. Asenoki asen temulungjang temeim nung Yisu den meyura, kodang Tsüngremi jembidir asenoki tashi mangaba jagi tangar taküm raksatsütsü. Kodangsa Tsüngremi jembir ibai tatem maka nungi jembir. Pai kechisa asüngdanger ajakji asenoki metettsü menüngdak. Asenoki metettsübaji “Ibai takoksang Tsüngrem nungi arur” ta metettsüba dang lir. Teti “Tangji” Kibuba dang langzütsüba mapang lir.