Tang Kashmir nung telungpur 200 shi lir: CRPF

Srinagar, December 12 (Agencies): Hokolbar nü Central Reserve Police Force (CRPF) tongti ketdangser kati, Kashmir nung telungpur 200 shi lir aser CRPF-i parnoki azüoktettsü, ta ashi.
“Kashmir nung security sepaitem den rarar lisopur aser bendanger telungpur 200 jungnüa lir, aser parnok ajak tesem balala nung prokshia lir,” ta CRPF Additional Director General (ADG), Surendra Kumar Bhagat-i Srinagar nung osangbenertem dang ashi.
CRPF ketdangserisa, Kashmir Valley nung lanurtemi alia oa bilemoka inyaker ta asüba osangji shisabulutsü osang ka lir, ta ashi.
Bhagat-i, alia bilemoka inyaker lanurtemji kin ka mesüra tamangba lokti ka nungi masütsü, ta ashi. “Item lanurtemji Islamic dang masütsü, saka Hindu mesüra Yihuda nungera asütsü akok,” ta pai ashi.
CRPF nung Kashmir lanur 600 dak tema shimoka alibaji Kashmir Valley ajaklen mapa lemzüktsütsü, ta paisa shisem.