Tang mezüng Constitution Day anogomung salem PM Modi-i abener

New Delhi, November 26 (Agencies): Tanü linük nung tang mezüng Constitution Day amungba anogomung nung Ato Kilonser Narendra Modi-i, iba anogo ya India nem Temzüng (Constitution) ka agütsütsü atema anibelem arema inyaker ajak nem tetushi agütsüba anogo lir, ta metetdaktsü.

Modi-isa linük nüburtem dang, Linük Temzüng nung alibatem nungittsü aser India tenteter tebutem nüma tangtettsüsa linük yangluang, ta mepishi.

“Tang mezüng Constitution Day anogomung nung India nüburtem dangi salem osang abener. Iba anogo ya ajanga asen Temzüng tali jangjatsü nenok ajungmesodakjangma,” ta pai twitter ajanga ashi.

“Asenok nüma kanga tangtettsüsa India nem Temzüng ka latettsütsü atema anibelem arema kanga meranga inyaker tetsür aser teburtem ajak nem iba anogomung nung tetushi agütsür,” ta paisa ashi.

“Dr Babasaheb Ambedkar-i inyakba mebilemteti asen Temzüng ya tetshitsü metemsü. Ni pa nem akhüm agütsür,” ta paisa ashi.