Tang mezüng CRPF tetsürtemi Maoists telungpur den raratsü

New Delhi, May 09 (Agencies): Tang alizüng tasen ka tongteta linük nung paramilitary force tulutiba, Central Reserve Police Force (CRPF)-i tang mezüng tetsür commando 560 shi Left wing extremist agi kongshia aliba state tem nung Maoist telungpurtem den raratsü atema yoktsü.
Linük security amokmerenba tulutiba rongnung kaji, Maoist telungpurtem lir, aser parnok anema raratsü atema tetsürtem yoktsüji tayongzükba tulu ka liasü aser tang mezüngbuba batch nung tetsür 567-i taoba hopta Ajmer nung aliba training centre nung training tembanga agiogo.
Iba dak sentakba nung CRPF DG, K Durga Prasad-i, iba batch nungi tetsürtemji mapang telemsa balala nung Maoists-i timtem agütsüba state temi ‘company formation’ style (mapang shia sepai 100) nung yoktsü, ta ashi.
“Left wing extremist anema onok nem lemzüktsüba mapa temelung nung yur item tetsürtem nem training agütsü. Parnok service mezüng küm ishika nung mapa tasak agütsütsü onok tebilemba lir,” ta Prasad-isa ashi.