Tang mezüng Dimapur nung ‘Havells Gallery’ lapokogo

Dimapur, September 17 (TYO): Tanü Brihostibar nü Havells India Limited-i tang mezüng G.S Road, Dimapur nung retail showroom “Havells Gallery” lapokogo, aser iba showroom ya Dimapur Municipal Council CEO, Atokhe Ayemi-i lapokja liasü.
Havells Gallery nung ya shishilembartemi light aser electrical osettem ajak angutsü. Iba dokan nung Industrial Switchgears, Cables, Fans, CFLs, Lighting Fixtures, Electrical water heaters, Crabtree switches aser Domestic Appliances densema electric oset tereprangtsü tajung aser quality tajung aika angutsü.
Iba gallery lapoktsüba sentong nung jembidang, iba ama nüngtugu company ka Dimapur nung amenokba atema Atokhe-i Proprietor, Vikash Jain nem tenüngsang agütsüba den külemi senso ajak dang iba maongka agia oset tajung alitsüla, ta ayongzük.
Paisa Havells company dang talirtem nem service tajungtiba agütsütsü ajungshiba den külemi iba gallery ajanga company nem tenüng tajung bener arutsütsü imlar, ta ashi.