Tang mezüng PM Modi tetsüi Modi official ki semdang

New Delhi, May 15 (Agencies):  Ato kilonser, Narendra Modi joko küm ama abensa official Race Course Road residence nung lidar, aser tang mezüng tetsüi pa iba kidang semdangogo.
Modi tetsü, Heeraben Gujarat-i meyipa aoba sülen Ato kilonser, Modi-i pa indang Twitter account nung, pai tetsü dang pa liba 7, Race Course Road ki sayua senzüba noksa ka lemsatep.
“Kütsü Gujarat-i meyipa ogo. Mapang talangka lir la den jangratema mungogo aser iba ya tang lai mezüng semdangba liasü,” ta Modi-i ashi.
Noksa nungji Modi tetsü Heeraben wheel chair ka nung lir aser Modi ali sentsü tola ka den long pant tanak semer tetsü dang naro sayua senzüba lir.
Ano noksa ka nung Modi kurta pyjama aser waistcoat semer tetsü nem marok ka agüja lir.
Heeraben ya tang North Gujarat, Mehsana district, Vadnagar nung aliba akhi mapang yangluba ki tila ka nung alir.