Tang mezüng Rajya Sabha nung BJP single largest party kümogo

New Delhi, August 04 (Agencies): Tanü BJP-i Congress madak takok ngua Rajya Sabha nung largest political party kümogo, kong parnok züngsem 58 kümogo.
Rajya Sabha nung opposition party tongti, Congress züngsem 57 kümogo.
Madhya Pradesh nung Rajya Sabha bye election nung takok angusang, BJP MP Sampatiya Uikey tanü tenangzükba agiogo.
Union Minster, Anil Madhav Dave asüba ajanga iba menden tazüng adoka bye election agitsüsa akum.
2014 May ita nung Centre nung Narendra Modi-i anir sorkar akümba sülen tang mezüng Rajya Sabha nung BJP ya single largest party kümogo.
Ajisüaka Rajya Sabha nung BJP-i aniba NDA ya majority masü saka NDA nung JD(U) adenba ajanga ano parnok züngsem tali bendenlokogo.