Tang tashi yim 50,000 nung Mobile Network mali: Sorkar

New Delhi, April 12 (Agencies): Tanü sorkari, linük nung tang tashi yim 50,000 shi nungbo mobile network mali, ta metetdaktsü.
Northeast, Maoist telungpur aliba state tem, Andaman & Nicobar Islands aser Lakshadweep kübok tesem aika nung mobile network mali, ta tanü Telecom Minister Manoj Sinha-i Lok Sabha nung metetdaktsü.
“Linük tesem ajak nung mobile network lir ta onoki (sorkar) kodanga mejembi. Mobile network agi yim 50,000 matong,” ta pai ashi.
Minister-i ashiba agi, pai state ajak dang yim kwi nung mobile network mali’ar Ministry nem metetdakjang ta shidi yoka liasü.
Sinha-isa, linük nung Gram Panchayats ajak (2,50,000) nem 100 mbps broadband connectivity agutsütsü atema sorkari ‘BharatNet’ project inyakdar, ta metetdaktsü.
Iba project mezüngbuba shilem nung 1,00,000 GPs connection atema inyakdar, ta pai metetdaktsü.
“March 31, 2017 nü tashi nung kilometer 11,294 (4,780 GPs) tembangogo, Optical Fibre Cable kilometer 12,172 (4,213 GPs) inokogo aser broadband connectivity den 443 GPs agutsüogo,” ta pai ashi.