Tanga party tem dena tesendaktep tajung ayutsüla: Azo

Sekruzu (Phek), April 25 (TYO): Tanü State Planning Board (SPB) deputy chairman, Kuzholuzo (Azo) Nienu-i, kechi tensa ajurudir ajuruaka party züngsemtemi party nungi masetshitsüla, iba den külemi tanga party tem dena tesendaktep tajung ayutsüla, ta metetdaktsü.
Phek district kübok Sekruzu nung 19th Phek A/C NPF senden nung jembidang Nienu-i, “Asenoki BJP party-a manemtsüla aser BJP den tesendaktep tajung ayutsüla, kechiyong Ato kilonser, Narendra Modi lenisüba kübok BJP ya tashitait party ka kümogo,” ta ashi.
Nienu-isa, takok anguba ya jangratemtsüka lir, ajisüaka takok anguba nungjia lendong alitsü akok, kechiyong iba ya ajanga asüküm adokdaktsür aser ibaji ajanga tamakok angur, aser khenkhenbo tamakok angubaji tajungba, kechiyong tamakok ajanga ajemaludaktsür aser asüküm dang nungibo ajemalu ajanga nüburtem kokteter, aser tatemsa ajemaluba jagi takok lenmangi anir, ta ashi.
NPF central working president Huska Yepthomi, NPF central vice president Zaku Tsukru na den Central lenirtemi tang Phek district assembly constituency tem semdanga jajadar aser tanü senden nung parnokia jembia liasü.
Iba senden ya 19th Phek A/C NPF president Api Vadeo leniba nung agia liasü.