Tanganütsüka osang tajung

– I. Meren Lemtur, Tzüdikong.

Tir Yimyim Aug-04,2017 adok nung CM-i anir tulurtemi Dimapur Kohima nung Apu aser gari lenmangtem yanglutsü ta züngshia kanga jangratema aser tanganütsüka zünger manenteti züngogo, aser tang tentetba Govt- TR Zeliang-i aniba tatartem ya toaba mapang Kaziranga nung oa moktepdang tu asenok nüburtemi memetet jembiashi, parnok tu Nagaland yanglutsü asoshi tanüla khuret bena revival ka nung aden südi ta tangang bilemer. Saka khen rataa bilemba kaji küm pongu tashi Naga lima raksaba mangu yimsüsüa arur, anü talui tsük pudak ama, tang anü talui ano Govt koba-i abentsü tatsütepba mapang ka nungang Apu aser gari lemang majungba angur na ta sasaa bilemer. Oda tangang tenük aina tanak agiba tu agizüka reprangdang nungang item teraksa ya yanglutsü angur südi, aser CM-i PWD(R&B) Minister ba nem ya manger mesangwa dang akhi mapang Ahom chuba-i manger mesangwa dang long ki tulu aser tzütu tulu yangluba ama tu tashi aser ain balaka agütsütsü südi ta bilemer. Aser tang inyaktsü mapatem yabo osettemjia kanga agia akhi mapang dang nungi tajungba Guwahati aser Kolkata nungi bena inyaktsü ta asür. Kechiba ta süra taoba mapang Kaziranga nung revival nung adendang joko Naga nunger rongsen maoyai ni auer nungi temulong meyiper ta Tsüngrem den azüngashitep ka agi südi. Ashiko parnok Kaziranga nung tu moktepa lia Tzü tuagi mopanga taküm sama asübo item apu aser gari lenmang ya yanglutsü bilemteter melila. Joko ita ishika lirbo akhi Dimapur aser Kohima tu akhi Dimapur aser Kohima tu masütsü, anungji Dimapur Kohima nung alirtem asoshi balaka temoatsü asütsü, joko nenokbo apu tasen aser gari lenmang tasen nung senzütsü koda jangratemtsü asütsü, onok MKG dist nung alirtema kodangang iba ama mapang arutsü oda tangang ni kechiba Kohima aser Dimapur nung ya mali ta sasara no! Saka Tanübosa danü (Cat) asütsüang südi. Kechiaser danü anasa kodang koya süia ngudir koya asoshi tatokba maka yamaji apu aser gari lemangji sen agi dang inyaktsü asü nungji ano danü shilemjibosa agilanglang. Oda tang apu aser gari lenmang yanglutsüjibo PWD (R&B) minister aser contractor mapaji akoktsü ka asü nungbo Nagaland nungbo YISU nem ang inyakdaktsünütsüka.
Saka tangbo parnoka temolong meyiper inyaktsü jembirji ita ishikaji aremzüka yongyaseta ataa lidi ta lemsateper.