Tangar account tim mesüi amshirtem tepoukdak küm 7 pouktsü: IT Dept

New Delhi, November 20 (Agencies): Tang tasen benokba Benami Transactions Act kübok kuli maliba sen tangar indang bank account nung inoktsürtem nem temerenshi agütsütsü, iba nungji ken o akatsü aser küm tenet tashi tepuokdak ayutsü densema lir, ta Income Tax Department-i metetdaktsü.
Iba dak sentakba nung ketdangsertem osang ajanga ashiba agi, department-i bushisüngdangba 80 aser mita aoba 30 sülen department-i kuli maliba sen crore 200 dak tema bushitetogo, ta metetdaktsü.
November 8 nungi tenzüka mita aoba mapang state balala nungi sen crore 50 shi puogo, ta parnokisa metetdaktsü.
Parnokisa, sorkari sen note 500 aser 1000 tejen anentsüba anogo, November 8 nü nungi tenzüka sen aika deposit süa aliba melung malemba bank account tem ajak mita reprangtsü, ta metetdaktsü.
Melung malemba accounts ji shitak dang süra Benami Property Transactions Act, 1988 kübok ken o benoktsü, ta Income Tax deptartment ketdangsertemisa shisem.
Parnokisa ashiba agi, Income Tax department-i ochimashi/kuli maliba sen aputsü, sen deposit asüsang mesüra bank account account kibur anema ken o akatsü atema iba Act ajanga parnok nem tashi agüja lir.