Tangar taküm otsü film mejangrar:John Abraham

New Delhi, September 23, 2016 : ‘Jism’, ‘No Smoking’, ‘Garam Masala’ aser ‘Force’ film tem nung shilem agia alisang, actor John Abraham-i, “Tangar taküm otsü nung ajemdaker yangluba film nung tongti shilem agitsü tejangra kecha mali, ta IANS-i asündangba langzüa ashi.
John-i comedy, drama, action aser romance film tem nungsa shilem agia lir ajisüaka pa dang tang tashi action star ta ajar. Nüburtemi kü mang tereprangtsü dak rangloker asütsü, ta John ashi.
“Action star ka akümtsü atema nü dak action star ka yimyaji alitsü nüngdaker aser ibaji temang nung masü, na arakzüba nung masü saka nü tenük nung keta lir. Anungji nü dak ibaji keta lira ajaki reprangtettsü,” ta pai ashi.
Sony Max channel nung yokba film ‘Rocky Handsome’ nung tongti shilem agisang, John ya ano asenoki ‘Force 2’ film nung angutsü. Force 2 ya thriller film ‘Force’ indang shilem tanabuba lir.
‘Force 2’ film nung actress Sonakshi Sinha aser Tahir Raj Bhasin natia tongtibang shilem agia lir.