Tangatetba alitsüla

~ T. Lima Tzüwar, Ungma Impang Artang Ward.

Temeim asen Aotsür Aortem aser Naga nunger tajungtem aser nütsüng nübur Khristan tajungtem asen Naga lima ya tila ka tang lir aji saka kin aika aliba lima amaji oshia balala asünung ken kaket aser laishibajia pei pei oshi adoker, azünger aser atener. Saka English yabo ajak kasasa azünger aser atener saka ken kaket yabo asen oshi nung terajemba ama angateter aser ken kaket atokshia tetezü tajung tajung tang atoker iba jagi nisung mulungjang ajungmesor, saka asen Aotsür Aortem aser nütsüng nüburtem Khristan tajungtem kechiba tamang nung yamai azülaa aor. Asen Naga lima nung mezüngbuba Khristan yimsüji asenok Aortemi mezüngbuba agizük masü na, aser kaket rejua asen Aortemi mezüngbuba lapok. Anungji asen Aorji mezüngpur asünung asenok Arogotemi anir tamangba tsütsülen lenla ajak nung asenoki anitettsüla masü no (?)
Saka tanübo asenok Aor dak nungibo bendangertem ang tangatetba aser terajemba akümer, oda tangar kin ken kaket nungbo alitsü malitsüar memetet, saka asenok Aor ken kaket nung yamai shia angur aser ajaki atener. Ni ali rongsen memeshir Kibubai agütsür mulung pelaa alitsü asoshi kangki azüeti ta atener. Saka kangki masü rongsen tang azüiter aser rongsen yutsür mulumi ajak omar. Ano ken kaket nungsa yamai asenoki atener. Saka ajak tsüksü mi agi rongdoktsü tenarong matener mejanga alirji pa kanga merenshitsü pa kanga merenshitsü teti mi nung ronga alitsü. Yamaji alitsü shir tajungtem lir kotaki atutsü teti ken tena alitsü. Teti tepeladak atentsü temerenshidak mangutsü ta ajaki tenla kidang atener. Anungji asenok Aotsür Aor nütsüng nübur aser Naga nunger nutsüng nübur ajaki Laishiba nung kechi ashir aser ken kaket nung kechi ashir pei sasa pei mulungjang metemdangtsü tim.
Saka tanü asenok tamangertem ajak ya tsüksü ama sentoktsü aser arongtsü nütsüng nüburtem lir. Maneni ashir asenoki ken-a atener, laishiba azünger aser laishiba aser ken kakettemji Khristan kibongshia asünung pei pei kidang laishiba aser ken kaket ayubaji amajok mesütsüi azüngtsüla aser atentsüla aser keni asenok dang kechi ashir aser laishibai asenok dang kechi ashir aji asen mulungjang den metemdangtsüla aji asüngnungang tamanger taküm ka aser kotaki aotsübaji asütsü anunjgi asenok ajaki tamanger taküm ka ama alitsü merangti arung.
Oh! Impur na koda tamaren aser Nagalandi tang masü saka alima ajungai na akümtsübur nü kotak lima amai ajak benzüdar. Kong yipru mopung tesashi ajak aremer machi majem reshikangshi ajak aremer nung koda. Oh! Impur asen Naga lima nung tang alirtem dangi tang alima nung alir ajak temenen nung alanga alir ajak kotaki atutsü asoshi aniseter aser okrongseter. Aji saka sen arishir aser tai apor jenti tang lir temenen nisung aser Tanüla malirtemi tang asen arishir atalar. Saka item ajakji tai toker item temenen nisung tanüla alanga alir mejanga alirtemi mesor kotaki aotsü asoshi ajung mesotsü merangangma kechiyong millionsa million mulomi nung asatepa jeptepa sayur.