Tangbo kentem ya tetezü bakala kümogo: Celine Dion

August 30, 2015: Grammy Award angur Celine Dion-i, tangbo la asoshi kentem ya tetezü balaka kümogo, ta ashi.
Tang la kinüngbu Rene Angelil terok cancer den raradagi, aser iba dak sentakba nung lai iba o ya jembiogo.
Taoba August sülenbo tang mezüng August 27 nü Dion-i Las Vegas sabang nungi shilem agiogo, ta People Magazine ajanga ashi.
Caesars Palace nung shilem magidang “My Heart Will Go On” ken atenla Celine-i osangbenertem senden ka ayongzüka liasü, aser iba senden nung lai la kinüngbu cancer tashitak den raraba aser la melungjang nung kongshiba kentem indang lemsatepa liasü.
“Tangbo kentem tetezü tasen kümogo,” ta arishi küm 47 Dion-i ashi.
“Ni item ken tena liasü, saka tangbo ni tetezü angateta atener. Ni asoshi item kenji balaka asütsü. Item kenji nenok atemabo balaka masütsüa akok,” ta laisa ashi.
1999 küm arishi küm 73 Angelil dak terok cancer puteta liasü, aser cancer tashitak den asemben rara aruogo.