Tangbo Zen Mobile nunga Reliance Jio amshitettsü

New Delhi, September 27 (Agencies): India nung smartphone yanglur telok, Zen Mobile-i Reliance Jio den ‘Jio Welcome Offer’ ajanga par telok ana sentaktepa osang ka tanü, Mongolbar nü metetdaktsüogo.

Kult 10 (Ten) oset ajanga phone amshirtemi VoLTE calls sütettsü aser LTE network ajanga HD voice call sütetba den unlimited internet angati amshitettsü. Iba tajangzük ya 4G amshitetba Zen Mobile smartphone ajak nung memunui amshitettsü.

“Onoki ozü telok indang phone amshirtem taginüba  tongtsütettsü atema meranga inyaker. Tan lungjemba ajanga ozü  phone amshirtemi digital taküm bilemba ama litettsü imlar,” ta Zen Mobile nung CEO, Sanjay Kalirona-i sangoktsü.

Jio den sentaktepba ajanga Jio amshitetba VOLTE phone-tem nung tamshirtemi unlimited HD voice calls, messaging, video calls, high-speed data aser Jio suite app December 31, 2016 nü tashi amshitettsü.