‘Tanhaji’ film ajanga anogo 3 nung sen cr. 61.93 aazükogo

New Delhi, Aenjeti/January 13, 2020 (Agencies): Ajay Devgn-i tongti shilem agiba film ‘Tanhaji: The Unsung Warrior’ ajanga anogo 3 nung sen cr. 61.93 aazükogo, ta sangdong ka ajanga metetdaktsü.
Iba film Hokolbarnü (10.01.2020) sayaa liasü aser mezüng anogo sen cr. 15.10 aazüka liasü. Honibarnü sen cr. 20.57 aser Deobarnü tashi box office office nung anogo asem sentepter iba film ajanga sen cr. 61.93 aazükogo.
‘Tanhaji: The Unsung Warrior’ film ya Ajay Devgn indang Bollywood film 100buba asütsü. Iba film ya 17th century mapang Tanaji Malusare indang taküm otsü nung ajemdaker yangluba film ka asütsü. Iba film ajanga Mughal nunger anema Chatrapati Shivaji den sarir Tanaji longjemer raraba otsü sayur.
Iba film nung Ajay Devgn-i Maratha nunger sarir Taanaji Malusare shilem agir.
Ajay kinungtsü Kajol-ia film nung Tanhaji kinungtsü Savitribai Malusare shilem agiogo. Kasa mapang Saif Ali Khan-i Mughal Emperor Aurangzeb atema maparen achaayangtsüsang Rajput nunger ketdangser Uday Bhan shilem agir. Iba film ya Ajay Devgn indang ADF aser Bhushan Kumar indang T-Series longjemer produce süogo aser Om Raut-i director süa liasü.