Tanü AIR NE Service küm 25 benjung amunger

New Delhi, November 05 (Agencies): North Eastern Service of All India Radio (AIR), Shillong küm 25 ajungba silver jubilee mung nüngtem nung Honibar nü seminar aser sobaliba sentong, ‘Silver Waves’ ayongzüka akatsü.
‘Service and Impact of North Eastern Service’ omen nung seminar ji anüngdang 11:00 ako nungi nikongdang 1:00 ako tashi KJP Assembly Hall nung akatsü. Iba shisatokden sentong nung tongti o jembirtemji Dr Helen Giri (Retired Head, Department of Creative Art, NEHU), Sri Rubaiyat -ul Ali (Technical Director, National Informatics Centre, Guwahati) aser Ashish Bhatnagar (DDG Engineering, AIR, Pune) nunger asütsü.
Kasa anogo nung nikongdang 4:30 ako nungi U So So Tham Auditorium nung sobaliba sentong, ‘Silver Waves’ akatsü aser iba sentong nung tongti tesemdangerji Meghalaya Angh, V. Shanmuganathan asütsü. Iba sentong nung Northeast state ti prongla nungi sobaliba telok balalai shilem agitsü imlar.
Tesüiba küm 25 tashi AIR, North Eastern Service-i nüburtem sobaliba nung terenlok alitsü aser sobaliba takar den maitsü wazüka ayutsü asoshi programme balala ayonga kayonga arudar.