Tanü asen Naga lima loktiliba nung libaliro yimya nung temelenshitsü jenti lir, item rongnung tongtipang kar yamai lemsateper

(Yashi adok nungi…)

Reprangang, Khristmas benjung, New year benjong amala nung aiür asangurtem ayatram mapang piyong Yisu asoba ken tena tena karbo temesepba yi jemer  drugs chir, Khristmas ken tu pelepa-pelepa atener aser ten-tenabo jana ga-na mana ken mejaloka tenyonga ano tanga ken aika jok-tena jokdena atener. Iba ama yimya jagi Yisu kümtetdakba  peladima ? Masü atakatemang bener  arutsü ati. Ano yimtsüng nung süli, town nung süli, ken mapang ka asü-amar alidang asür kinungertem mulung süngzüktsütsü melena karbo yi jemer, drugs chir apangteper jokshishia ken tapu aika atener aser repranga lira asür kinungertem tu kenteni arurtem  aiür-asangurtemtu agi kanga jashidaktsür aser pelatsü melena item den tu raranüseta azüzüker, yamaji par asü-ama mapang otsü kar madoknüba mechi nung ki toktsür kidanger kiyonger dangi oa jenoka yangji anisüngzüka yipzüka  sangwadaktsür külenang pei ki bushia aor, yabo onsara majung.

Tanü asüng aiür asangur aikati joko yi tu jemer aser karibo drugs dena achir, iba tensa mapang ka nung Durga Puja, Diwali benjong kümshi arur, aser tanga mapang nung sen tasak agi yi alia ajemtsü tu sen angulen lenmang sadema maliba  agi anarongdena  (hajira) ayangi kenü mesüra  ananü aoba sen teraka azükba tu agi yi bottle ka, ana alir aser kanga kaa itta  alia ama medemertem ayonger jemtepa aliba mapang nung tu Durga Puja, Delwali benjong tu arur aser asen lima town ajak  nung tsümartem den ayongteper yi tu angati anguba mapang asü-nung sayatenyatsüka jemteper, jemajema ak ama kima yimdong nung longdaka merepdaka aliba asenok aikati ajangshia arur alitsü. Iba dang tu “Nagaland for Christ” ta ajatsü kangasa taaktsüka !

(Maneni asüng adok nung…)