Tanü Assam aser West Bengal na nung assembly election agir

Guwahati/Kolkata, April 03 (Agencies): Hombarnü Assam aser West Bengal na nung mezüngbubaren assembly election agitsü; Assam nung Congress chief minister, Tarun Gogoi-i maneni sorkar tashii arutsü atema tokteptsü aser Bengal nung Trinamool Congress tongti aser chief minister, Mamata Banerjee-i Left-Congress teloktep den meneptepa tokteptsü.
Election mezüngbubaren nung asüng Assam nung menden 65 aser West Bengal nung menden 18 atema election agitsü. Ita ka tsüngda West Bengal, Tamil Nadu, Assam, Kerala aser Puducherry nung sorkar tasen shimtsü atema election agir.
Assam nung telemsa ana- April 4 aser 11 nü election agitsü aser West Bengal nung telemsa trok nung election agitsü.
Assam nung Congress-i BJP-AGP-BPF teloktep aser AIUDF den tokteptsü. Assembly menden 126 nungi Hombarnü menden 65 atema candidate 539 tokteper aser iba anogo nung vote agütsütsüpur tetsür 45,95,712 densema nisung 95,11,732-i menden 65 atema candidate tem shimtsü.
Election junga agitettsü atema Upper Assam, hill district tem, northern banks aser Barak Valley nung security sepai 40,000 dak tema yoka lir.
Congress-i menden 65 nung, BJP-i menden 54, BJP den teloktep, AGP-i menden 11, BPF-i 3, AIUDF-i 27, CPI-i 10, CPM-i 10, CPI(ML)(L)-i 6, unrecognised party temi menden 60 nung tokteptsü iba dak alia Independent candidate tema parnok 13 lir.
Hombarnü tokteper tongtibang candidate tem rongnung- Titabor menden nung Chief Minister Tarun Gogoi, Sibsagar menden nungi assembly Speaker, Pranab Gogoi, taoba Union Minister aser tea tribe lenir, Paban Singh Ghatowar aser Assam Minister tem Gautam Roy, Sarat Barkotoky, Ajanta Neog, Khorsingh Engti, Siddeque Ahmed, Bismita Gogoi, Sumitra Patir aser Girindra Malik nunger densema lir.
West Bengal nunga mezüngbubaren nung Maoist telungpurtemi timtem agütsüba tesemtem- West Midnapore, Purulia and Bankura nung election agir, aser iba anogo nung candidate 133-i menden 18 atema tokteptsü.Constituency 18 rongnungi 13 bo Maoists-i timtem agütsüba tesemtem lir ta Election Commission (EC)-i sangdonga item menden ng nikongdang 4:00 ako tashi tdang vote agütsütsü, ajisüaka tanüngba constituency pongu- Purulia, Manbazar, Kashipur, Para aser Raghunathpur nungbo nikongdang 6:00 ako tashi vote agütsütsü.
Taoba assembly election 2011 nung Trinaomool aser Congress teloktepi küm 34 tsorkar tashi nung aliba Left party tamakok ngudaktsü, ajisüka tesülen Congress-i iba teloktep raksaba sülen Left den loktepa liasü.