Tanü Assam ghonda 12 mokdanger

Dimapur, Nov.17 (TYO) : Assam nung Tai Ahom, Moran, Motok, Chutia, Kuchh Rajbongshi aser süngolu nung inyakertem nem India sokari Scheduled Tribe jenjang magütsüba agi November 18 anepdang 6:00 ako nungi tenzüka ghonda 12 mokdangtsü sentong ka item kin trok telongjemi metetdaktsüogo.
Iba mokdangba sentong ya Nagaland tsütsüa talisa Golaghat, Jorhat aser Sivasagar district-tem nung kanga sashia alitsü amai lir, anungji iba mapang Naga nunger senzüsenpongertem Assam ajanga mesenzüang tajungba asütsü ta osang ka ajanga metetdaktsüogo.