Tanü Assam ghonda 12 mokdanger ; Dimapur GS Road nung traffic tetuyuba tenzüktsü

Dimapur, July 12 (TYO) : July 13, 2015 anepdang 5:00 ako nungi nikongtsütsü 5:00 ako tashi KPLT-i ghonda 12 Assam mokdangtsü ayongzüka lir. Anungji iba mapang Karbi Anglong adena mesenzü tajungba ta Addl. Dy.Commissioner of Police/PRO Dimapur-i metetdaktsü.
Ano, July 13, 2015 nungi GS Road Dimapur nung garitem anatsülen nungi senzütettsü, ta Dimapur police sangdong nungsa shia lir.
Flyover nungi Army Supply Road/Dhobinalla lemjemleni aoertemi Flyover Y-junction adener GS Road leni aotsü tetuyuba agütsür aser GS Road nung garitem anentsü asoshi traffic police-i tawa toktsütsü.
Anepdang 9:00 ako nungi aonung 6:00 ako tashi cart/thella/rickshaw tem GS Road nung senzütsü memelatsü, ta Dimapur police-isa shiogo.
Lenmang anatsülen gari anentsü memelatsü aser tawa yuja aliba tesemtem nung dang garitem anena ayutsü metetdaktsür. Iba denji külemi two-wheeler tem center stand nung anena ayutsü tuyur, ta Dimapur Police-isa metetdaktsüogo.