Tanü Assam ghonda 24 mokdanger

Kokrajhar, September 22 (Agencies): Bodhbarnü Guwahati nung Assam nung Scheduled Tribe (Plains) nisungtem atema tentet tuluba, Coordination Committee of the Tribal Organizations of Assam (CCTOA)  senden ka amendang, OBC kin trok nem Scheduled Tribes (ST) jenjang agütsüba anema September 23, 2016 nü longkak aita Assam ghonda 24 mokdangtsü telemtetba agiogo.
CCTOA aser iba nung adenba tentettemi külem sangdong ka ajanga item kin trok- Koch-Rajbongshi, Tai-Ahom, Moran, Motok, Chutia aser Adivasi nunger nem ST jenjang agütsüra parnoki ST atema wazüka aliba shisaliok rejutem, sorkar mapa aser autonomous councils mesüra State assembly nung menden agitsü, koba ajanga tang state nung aliba ST jenjang raksatsütsü, ta metetdaktsü.