Tanü bank nung sen memelentettsü ; Teintet rogotem nembo yimli agutsüTsü

New Delhi, November 18 (Agencies): Asüng, Honibarnü counter nung sen tejen memelentsütsü atema Indian Banks Association-i lemtetogo, ajisüaka teintet rogotemibo sen 2000 tashi melentsü atema yimli agütsür aser Deobarnü bank tem sodi asütsü.
Customer tem atema tanga nüngdaktem inyaktsütsü asoshi bank temi sen tejen melentsüba nungi anogo ka anisüngzüker, saka tanga nüngdaktembo inyaktsütsü.
Hokolbarnü Ato kilonser, Narendra Modi-i BJP nungi tongti minister tem kar ajurua parnok dang, sen anentsüba indang nüburtem nem metetjemdaktsütsüla, ta ashi.
Modi-i MP aser minister tem dang, olulu malitsü aser opposition party temi tangatetba tai agütsüba nungi jenbua alitsü atema nüburtem dang iba osang metetdakjang, ta tuyu.
Indian Bank Association tongti, Rajiv Rishi-i, “Linük tesem ajungalen (banks/ATMs nung) nisungtem kanga ajema kümogo. Asüngbo anünga aliba mapatem inyaktsü,” ta ashi.