Tanü CEC, EC-i Guwahati semdangtsü

Guwahati, March 20 (Agencies): Assam nung assembly elections agitsü mapang ana nung lia asüng, Hombar nüngi tenzüka Chief Election Commissioner, Nasim Zaidi den election commissioner temi anogo ana state semdanga election atema renemshiba reprangdangtsü.
Election atema Congress-i mezüngbubaren nung candidate 65 sangdongogo aser Bharatiya Janata Party (BJP)-ia mezüngbubaren nung candidate 88 sangdongogo.
Assam nung April 4 nü menden 65 atema election agitsü aser tanüngba menden atema April 11 nü agitsü aser May 19 nü vote azüngtsü.
Nomination papers March 19 nü reprangtsü aser nomination agientsü atema tatembangbuba anogoji March 21 anogo lir.
Assam nung vote agütsütsüpur ajak agi nisung crore 1 ser lakh 98 lir aser election mapang nisung aser election osettem belentsü atema rong, bus, shiti aser helicopter amshitsü.
Tarun Gogoi’er sorkar kümsük June ita nung atemtsü.