Tanü DABA nung IEM mongdang tenzüker

Dimapur, Oct.18 (TYO) : Indian Evangelical Mission (IEM) 48 buba lokti senden October 19 nungi 22 , 2017 tashi Dimapur Ao Baptist Arogoi anepalua ayongzüka akar.
Iba sentong ya DABA tenla ki tuluba, Duncan Basti nung akatsü aser lokti mezüng sentep sentong Brehostibar nikongdang 5:00 ako nungi tenzüktsü aser anogo shia anepdang 8:00 ako nungi Lai bushiba sentong akatsü aser aonung shia 5:00 ako nungi lokti sentep alitsü. Item sentep sentongtem nung amangba purtem tejangrar ajak arua adentsü akoktsü.
Iba mongdang nung Tsüngrem o jembirtemji NBCC tongti zülur Rev. Dr. Zelhou Keyho, IEM tongti zülur Rev. Dr. Raja Singh Elias, IEM nung Church Ministries tekolakba Bro. Jenny Christopher nungertem lir aser OMF International Director, East Asia South Rev. Dr.Sydney Henry-i Lai tesayuba agütsütsü.