Tanü DDADU-i Dimapur telongtet nung angati town trip agütsür

Dimapur, December 20 (TYO) : December 21, 2016 nü Dimapur District Autorickshaw Driver’s Union (DDADU)-i benjung tenüng nung Dimapur jila telongtet nung ‘free town trip’ agütsütsü.
Bodbar anepdang 8:00 ako nungi anüngdang 12:00 ako tashi DDADU-i passenger tem dang nungi sen magitsü.
DDADU indang omenji “Service to Public” lir aser iba nung ajemdaker ‘free town trip’ agütsütsü telemtetba agi. Iba mapa asoshi autorickshaw 50 shimtetogo, ta DDADU president, I. Vitoshe Sema-i metetdaktsü.
“FREE TOWN TRIP” ta züluba sticker malokba autorickshaw temji tesem 9 nung alitsü. Tesemtemji- City tower, Civil Hospital, Nikos Hospital, Faith Hospital, Metro Hospital, East Police station, DC Court, Belho Nursing Home aser Bata charali tem lir.
Tesem shia nung auto 4-5 shi alitsü aser auto ka nung passenger 5 dang anitsü aser passenger talila süra, coupon system ajanga lemtettsü.
Taoba hopta Chumukedima nunga autorickshaw anir parnok ishikati benjung tenüng nung Chumukedima telongtet nung ‘free trip’ agüja liasü.