Tanü Dimapur nung No Tobacco Day ayonga amongtsü

Dimapur, Monupii/May 30 (TYO): ‘Tobacco and Heart Diseases’ omen nung ajemdaker  Monupii/May 31, 2018 nü Dimapur nung World No Tobacco Day 2018 ayonga amongtsü, aser iba sentong nung tongti tejaokerji Chief Judicial Magistrate & Secretary, DDLSA, Ajongba Imchen aser tetushi tejaokerji Chief Medical Officer Dimapur, Dr. Vikato Kinimi asütsü, ta ketdangsertem osang ka ajanga metetdaktsü.
Iba sentong ya Greenwood Higher Secondary School, Nagarjan nung ayongz amongtsü aser sentong nung shisalen sayurtemji Panel Lawyers, DDLSA, Zuchumpeni Ezung aser Sentimenla Tzudir na asütsü.
Tenati COPTA Act 2003 aser POCSO Act/child abuse onük nung jembitsü.
Iba sentong ya Chairman, DNF, Dimapur, Fr. Joe leniba nung agitsü aser State Nodal Officer NTCP, Dr. Hotokhu Chishi-i okila jembitsü.
Iba sentong ya District Tobacco Control Cell, Dimapur-i ayongzükogo.