Tanü Dimapur nung Road Safety Awareness akatsü

Dimapur, June 26 (TYO): Ministry of Road Transport & Highways (MORTH) aser Association of State Road Transport Undertaking (ASRTU) mapatong kübok motor vehicles department-i June 27, 2017 anüngdang 11:00 ako nung IMC hall, Dimapur nung “Time for Action” omen nung ajemdaker road safety awareness sentong ka akatsü, ta Motor vechiles department-i Naga Council Dimapur (NCD) nem metetdaktsü.
Iba dak sendakba nung motor vehicles department-i tuyuba ama councilor ajak, Tribal Hoho/Union, GB’s (Sadars), DUCCF, DDCF aser NWHD ajak iba senden nung medema arua adentsü metetdaktsür, kechiyong iba sentong ya jila nung nüburtem kümzüka alitsü atema tajangzük akaba sentong ka asütsü, ta Naga Council Dimapur General Secretary, Thsapongkyu Sangtam-i tanü sangdong ka nung metetdaktsü.