Tanü Gadkari-i Dimapur-Kohima 4 lane lung azüngtsü

Dimapur, Nov. 02 (TYO): November 3, 2015 anüngdang 11:00 ako nung Union minister, MoRTH, Nitin Jairam Gadkari-i Patkai bridge, Chumukedima nung Dimapur- Kohima 4 lane NH 29 lung azünga yutsütsü.
Iba mapatong ya National Highways & Infrastructure Development Corporation (NHIDCL), Ministry of Road Transport & Highways (MoRTH) aser Work & Housing department, Nagaland nati inyaktsü.
Iba mapatong kübok kilometer 48 Dimapur-Kohima lenmang four-laning, kilometer 35 Dimapur by-pass (four-lane) aser kilometer 17 Kohima by-pass nungertem yanglutsü. Nagaland nung kilometer 100 yangluba mapatong atema sen crore 2,000 shi lemzüka lir.