Tanü Hornbill benjung tembanger

Kohima, Dec. 9 (TYO): Honibarnü Naga Heritage village, Kisama nung Naga nunger kin 17-i Unity Dance aser state Angh, PB Acharya-i Nagaland Vision 2030 document sayaja anogo 10 nü Hornbill Festival 2016 tembangtsü.
Iba benjung tatembangba sentongji nikongdang 4:00 ako nung Rev. Dr. Tsiebou Rutsa-i tenüngsang agüja sarasadema tenzüktsü aser state Chief Minister, TR Zeliang-i tatembang onük jembitsü; iba sülen tawa Miss Nagaland 2016 takok korang angula, Vilokali Zhimomi-i bonfire tsükloktsütsü, aser ibaji meketa kin 17-i Unity Dance shilem agia tsüngsangtsü.
Iba sülen Khristmas kenten sentong alitsü, kong Mengu Soukhrie, Wangyat Wangshu, The Bangalore Conservatory (Handbell Ensemble) aser Tetseo Sisters den Hopong Naga nungeri shilem agitsü.
Ano, Information & Public Relations Department-i www.ipr.nagaland.gov.in ajanga iba sentong live webcast asütsü.
Hornbill Festival 2016 nung nisung lakh 1 dak tema aden
Taküm Hornbill benjung nung bendangertem, linük tesem balala nungi aser lisopur ajak senteper tesemdanger nisung 1,00,321 liasü, ta Department of Tourism, Tourist Officer, Toka E. Tuccumi-i sangdong ka ajanga metetdaktsü.
Benjung 9nübuba, Hokolbar tashi nung bendanger raliwalirtem 1,382, linük tesem balala nungi tesemdanger 12,943 aser lisopur 85,996-i iba benjung nung denogo, ta E. Tuccumi-isa metetdaktsü.