Tanü Kohima nung bank ajak shibangtsü

Dimapur, July 28 (TYO): July 29, 2017 nü 10 Northern Angami-1 A/C nung by-election agitsü aliba atema Kohima HQ kübok Bank (private banks dena) ajak shibangtsü, ta Kohima Deputy Commissioner & Returning Officer, Rajesh Soundararajan-i tanü sangdong ka nung metetdaktsü.
Iba tetuyuba ya Government (Home Department) sangdong nung ajemdaker agütsür aser maneni 10 Northern Angami-1 A/C nung vote agütsür kar Kohima District tesem balala nung Bank kongsang mashi ka nung inyaka lira, parnok vote agütsütsü atema paid holiday agütsür, ta Deputy Commissioner-isa metetdaktsü.