Tanü Kohima nung lenir, Isak atema lokti sentong akatsü

Kohima, June 30 (TYO): Angami Public Organization (APO)-i lenir asür, Isak Chishi Swu atema public reception programme ka July 1, 2016 anüngdang 12:30 ako nungi Old MLA Hostel Junction, Kohima nung ayonga akatsü.
Iba sentong ya APO advisory board chairman, Vipralhou Kesiezie leniba nung agitsü aser APO Tir, Dr. Vilhusa Seleyi-i mangyimba osang abentsü.
Kasa sentong nung Angami Students’ Union-i akhüm agütsüba ken ka atentsü aser Niketu Iralu den Kohima Village Council chairman natia jembitsü aser SFS Kohima Parish Priest, Rev. Fr. Alex Vizo-i sarasadema tembangtsü.
Iba dak sentakba nung APO-i nüburtem dang iba sentong nung amalitepa lenir asür nem tatembangbuba akhüm agüjang, ta mepishiogo.