Tanü Minister ka tenangzükba agitsü

Dimapur, July 23 (TYO): Nagaland sorkar nung Council of Ministers nung züngsem ka tenangzükba agiba sentong July 24, 2017 anepdang 9:00 ako nung agitsü, ta PRO to Governor-i sangdong ka nung metetdaktsü.
Sentongji Durbar Hall, Raj Bhavan Kohima nung agitsü anungji Minister, MLA, MP, Police & Army Officers dena State aser Central sorkar kübok AHODs & HODs, yimten teloktem nungi Tirtem aser Media nisungtem ajak arua adentsü jaoker, ta sangdong nung shia lir.
Mapang peria maliba ajanga iba sentong nung adentsü jaokba shidi balaka magütsütsü, aser tarurtem ajak anepdang 8:50 tashi nungbo pei menden nung mener alitsü mepishia metetdaktsür, ta PRO to Governor-isa metetdaktsü.