Tanü Mkg nung pan dokan shibanger

Mkg. May 09 (TYO): May 10 anogo ya Ao Baptist Arogo Mungdangi (ABAM) ayongzükba machimajemtsü anema nokdakba anogo ka lir, anungji ABAM kübok aliba Arogo shia nung sentong tapu balala ayongzüka mongdagi.
Iba anogo nung Mokokchung town nungbo anepdang nungi nikongdang 1:00 ako tashi salimoko ayokba dokan kata melapoktsü. Iba kasa anepdang ABAM Executive Secretary, Rev.Dr.Mar Atsongchanger-i anir Mokokchung town school kar semdanga yangji kaketshirtem den jembitsü sentong renema lir. Iba sülen Imlong Place nung sentong ka akatsü.