Tanü Mkg nung Zila Sainik Board- ESM Outreach Mission agitsü

Mokokchung, Chiteni/July 02 (TYO): Zila Sainik Board Secretary-i sangdong ka ajanga, Zila Sainik Board Mokokchung-i Chiteni/July 3, 201 anepdang 9:30 ako nungi Prasidhan Hall, 44 Assam Rifles nung Ex Servicemen Outreach Mission sentong agitsü, ta metetdaktsü.
Zone-I nung alir exservicemen- Mongsenbai, Artang, Lijaba Lijen aser Sangtemla ward nung alir ex-servicemen dang iba sentong nung adentsü metetdaktsür; Mokokchung nung tanüngba ward 14 ji Zone- II nungi V kübok lir, aser mapang tetemsü nung iba sentong agitsü atema sangdongtsü, ta Secretary-isa metetdaktsü.