Tanü Naga lima

– P.Renthy Jamir.

Iba ocet ya osang kakettem nungi arokoshia bendener zülur.Olong tejangja ka masü aika temeyoktep,ano tejembisangi jembiba kulisütsü atema English oren kar enoksema lir.
India nung BJP party yimsüsüba tashi arur TANU NAGA LIMA Khristantem tamang jenjang aser yimten tebilemtsü tongtibang kar , BJP telok yagi India lima rangben Hindu tamangba yimsü nung amendaker yanglutsü meranger. Aser Naga Lima DAN Government ya BJP Government lir. Modi yagi India lima ya secular state ka masü, saka kin ka,temzüng ka,saru ka,oshi ka,one nation one law,one tax,one language asütsü ariteper. Joko Muslim tamangba yimsü ozüng Khristan amanger telatet temzüng menüngdaker.
1. Teachers’ Day melena Guru Utsav aser school curriculum nung Hindu ideology enoka yanglutsü Yoga enoktsü.
2. December 25 Christmas melena Good Governance Day.
3. Good Friday anogo nung Observance of Justice Day.
4. Sunday anogo nung Yoga Day. Yoga tetezü Oxford Dictionary nung Hindu system of meditation and asceticism.
Ano Naga lima nungbo 26th January ya Rani Gaidinliu asoba ta amonger. ‘Raj Bhavan observes Rani Gaidinliu birth anniversary’, aser aji kechiba ta süra la ya 26-1-1915 Manipur nung aso, la dang Priestess of the Haraka Faith,Worshipper of Tingwa leader of the Khampais ta ajar. Aser Nagaland untold story S.C.Dev (1988) nung zülua aliba agi Zeliang nunger ya 6-8 % Khristan 10-15 P.C. Sansaries aser tanüngba 75-80 P.C. followers of the Rani. Ano Home Minister Y.Patton ia ‘The Raj Bhavan has been turned into a place for RSS,BJP and Heraka,’ ta ashiba angur. Kechiyong Khampais tetetzü Hindu Tantrik Cult ta lir.Anungji Naga nunger Khristantemi Rani Gaidinliu nüngo Kohima nung meyanglutsu nokdang saka T.R.Zeliangi aji manga.Naga nunger kodanga Rani lia maru.Ya Nehru-i 1947 nung jatsüba nüngja ta ashir.
Tanü Naga lima Hindu yimsü tekolak leniba sür aor.Anungji ULB election ken anena atatsü NBCC den tenangzüktep agiba nunga yazü tanur asayar ama NBCC tagidak maka tazüngla kümdakja inyakba to kecha masenkosensa tetamatsü mali ta apijemer. Y.Patton-i ashi ama, Raj Bhavan RSS,BJP aser Heraka küma ao nungji joko Legislatortemi parnok jembinütsü jembia RD Minister C.L.John bai yamai ashi, “NPF would continue till the second coming of Christ”. Ano Parliamentary Secretary Er.Levi Rengma-ia “It is God’s decision to make T.R.Zeliang the Chief Minister and to go against him would be going against the will of God”. Süra tang Khristan tamanger jenjang kong lir.Nübur ajaki sarasadema shimteter yokba legislator BJP dak nendaker yamai Temeshi Tsüngrem O agi sayatenya-a yapoyanüba yabo tim masü ta ashitsu Reverend, Missionary,Pastor sayutsüngirtem to kongi ao ta nuburtemi bilemer.
Tanü Naga lima teraksa reprangdangra Congress Legislator -temi voters ashiokja NPF aküm, aser NPF agi BJP aküm.Joko opposition kata mali yaküm ULB election atema jembidang MLA Thomas Ngullie-i nübur tayimtenba ola angadanger inyaktsüla ta shidang,saka pa O shingaia hau ta mali pa kija walk out asü. Tesübo pai ashiba nung ala. Ano tawa Assembly senden nung jembitsu MLA Mmhonlumo Kikon-i Home Minister dang question ka tabled asünung mejembidang yongi MLA ba threaten asü (Threat on BJP Legislator). Ya democracy lima nung Abraham Lincoln mapang nungi tanü tashi matalokdangba otsü ka lir.Ano speaker Dr.Imtiwapangi MLAs ‘free to raise questions in NLA’ ta osang zülurtem dang ashiba ya-a kodanga mangashidangba tatalokba ka lir.Yagi sayur NLA nung question hour makar.Tanü Naga lima teraksa ochi mashi khuret paika den telungpur faction toku ter ya kodang kechi asüjar memetet züzüa alila masü.Iba ama tensa NLA nung jembir mejembima tebilemtsü yur MLA 60 sentepa 24-11-2016 assembly nung kecha shidanger mali minute ishika tamatepa kazür senshiba ya-a tesüngmangtsü ka liasü.Primary School tanur morning chapel nunga tajungshi O kabo ashir nung koda. Ano T.R.Zeliang CM Menden 18-2-2o17 nung anena Dr.Shurho 22-2-2017 CM aküm,saka Zeliangbai 8-3-2017 nung CM ka ama meyongnem agiba jia sayatenya mapasa lir.Kechiyong state ka nung tematiba Chief Minister Office “Clerk mistake”nung tatem makümer.
Tanü Naga lima nung ochimashi maparen tsütsü reprangdangra tongtipangsa item teraksatem kanga mejungi angashir.Lokti tentet tanishir Naga Hoho, NSF, Ao Senden, AKM yamala tekolak shimdi süra telonglen nungi adokba tzüra majeter aser item tzüra metiteti temsüa alir ajemzüka yutsür tamakitsü nübu ka shimteter temaba menden nung mendaktsür. Ano NBCC aser ABAM tamangertemi ayongba yi tongpang, clean election, yamala tanü tashibo kata kokteta mali. Kechiyong nübur ajaki sen tama südaktsür Tsüngrem tesü südaktsür.
Tang tongtipang nübur rongsen ketdangsüba nung teraksatem kar:
1. Mid-day-meal nung ochi mashi inyakba
2. PDS jang otsü nung miim menaba maparen.
3. F&CS nung shi belena yokshiba.
4. Road maintenance fund timi lemyalemko masüba.
5. Tribal fund meshidaki amshiba.
6. Fuel adulteration – petrol nung Kerosene meyoktepba.
7. Home Department nung police tim mesüi shimba.
8. School tali lapoktena yur tanur tangbo tesayur tiemba shimba.
Ano MLA temi nüngdak maka private secretary pungu terok ayuba “There were too many unofficial PSs(Tokheho Yepthomi).
Alima ya telonglong aser hemisphere ana küma lemsar tsüngküm mongpu balala liteper.Ali jak tesem tesem nung rakzükraktemer ashiauer kija aser lokti lir. Saka Southern alir, Northern alir auer shiangaia ni auer, onok auer ta shia jembiba mangashidang.Koda asütsü, tia maka,tanü Naga lima DAN Government-i parnoksasa onok auer ta odiodia jembiba angashir.”The Nagaland State BJP submitting a representation to the Governor terming and accusing the DAN government corrupt.” “Aser Governor-baia pa aolen ajak nung DAN government corruption indang jembir.” (P.B.Acharya.) Governor ya government tekolak pa meyongnem meteni kecha inyaktsü makok. Tebui par kinunger ajak auer ta ashir.
Tang ministertem bangpet ola adokba ajakji ‘Frame work Agreement 3-8-2015’.Ya world war tongpang tulutiba akok ama küma jembir aser Delhi aoer ajaki iba indang jilanemshia jembir aruogo tasa ashir.Iba agreement agitepdang, PM Modibai yamai ashi,”we mark not merely the end of a problem but the beginning of a new future”.Aser aji shitak ataloka tebilemtsü tatembang kati arutsü melena faction tasen teimba kümdaktsür.Joko küm asem süia aor saka iba agreement nung kechisa zülua ali nübur shingaia meshiteter.Babylon Chuba Belshazzar mapang jara nung zülutsübabo rateta ashir liasü.Saka iba agreement rateta ashirbo mali.Joko nübur karibo tin pong tazüng temshir nunga ma ta ashir. Aser Indiai Naga nungerji shilo balaka ta agizükogo.’Uniqueness of Nagas’ ta asüba agi teperi kümer pelaseter alitsübaji tim masü ta bilemer.Tatem nung, tanü Naga Lima teraksa tebilemtsütem ya nübur ajak longjemer süokia bilemdanga iba nungi kümzüka alitsü lenmang bushitsü mapang tongja tongogo ta shisadanger inyaktsü ayongzüker.