Tanü Naga yimten ken o lemteptsü

Kohima, Julu 30 (TYO): Naga yimten ken o tatem küma melatetteti alinungji, iba tebilemtsü ken o nung shisalemsateptsü asoshi July 31, 2015 nü anüngdang 11:00 ako nungi Regional Centre for Excellence in Music & Performing Arts (RCEMPA), Jotsoma nung Nagaland Legislative Assembly Speaker, Chotisuh Sazo-i senden ka ayongzüka lir.

Iba senden nung Forum for Naga Reconciliation, Naga Hoho, Eastern Naga People’s Organisation, Naga Mothers’ Association, Eastern Naga Women Organisation, Naga Students’ Federation aser Eastern Naga Students’ Federation teloktem nungi teshimtet pur nisung pongongo jaoka lir.

Ano, kasa senden nung adentsü asoshi Angami Public Organisation, Ao Senden, Chakhesang Public Organisation, Chang Khelei Setshang, Khiamniungan Hoho, Konyak Union, Kyong Hoho, Phom People’s Council, Pochury Hoho, Rengma Hoho, Sangtam Likkhum Pumji, Sumi Hoho, Yimchunger Tribal Council aser Zeliangrong Baudi (N) nungi teshimtet pur nisung anana jaoka lir.

Iba senden nung Nagaland tatar senden nung MLA aser Nagaland nungi yokba MP ajak adentsü mepishia metetdaktsüogo.

Iba senden nung Chief Minister T.R. Zeliang-i onük lapoktsütsü aser Speaker & Convener NLF Chotisuh Sazo-i tarur pelaa agizükba mapang agitsü.

Iba senden temer külen nikongdang Chief minister-i osangbenertem den jembitsü, ta sorkar sangdong ka ajanga metetdaktsüogo.