Tanü Nagaland State SC-ST Hub sentong agitsü

Dimapur, February 4 (TYO): February 5, 2019 nü National Small Industries Corporation (NSIC) LTD-i Nagaland State SC-ST Hub (NSSH) conclave ka ayongzüka agitsü.
NSIC Ltd ya Ministry of MSME, Government of India kübok Government of India Enterprise ka lir.
Iba sentong ya Agri Expo Hall Dimapur nung agitsü aser anepdang 9:00 nungi 9:30 tashi teshimtet nübotem tenüng züluokba mapang asütsü. Sentong nung Industries & Commerce Advisor, Imnatiba-i tetushi süa jaoker ka ama shilem agitsü.
February 4, 2019 nü Hotel Saramati Dimapur nung osangbener den jembidang Commissioner & Secretary, Industries and Commerce Lithrongla Chishi-i ashiba agi, osang tejangja memetetba ajanga sorkar indang scheme tem tangutsüpurtem matonger.
National SC-ST Hub ajanga Prime Minister indang mangdangtem nübortem dang metetdaktsütsü imlar. Deputy Commissioner temi PMEGY beneficiaries kübok aliba entrepreneur tem iba sentong nung dendaktsütsü mepishir, ta laisa ashi.
Iba sentong ajanga entrepreneur tem kanga teyari angutsü, ta Lithrongla-isa ashi.
NSIC, Zonal General Manager, Dr. Avinash Chaudhary-ia ashiba agi, NSSH hub ya Prime Minister Narendra Modi-i tenzüktsüba lir.
SC/ST entrepreneur tem yaritsü aser parnok public procurement process nung shilem tajung agidaktsütsü atema iba hub tenzükba lir, ta Dr. Avinash-isa shisem.
“Iba sentong ya political party kecha indang masü saka lisopurtem indang socio economic mission ka lir,” ta National Working President, Forum of SC and ST Legislators Parliamentarians, Inder Iqbal Singh Atwal-ia tanü ashi.
Iba mapa state sorkartem ajaki nungita India sorkari inyakba mapa ka lir. Prime Minister-i India nung SC aser ST pur rongsenkettsüng tsütsü tashi itdaktsütsü atema alizüng ayuba mapa ka lir, ta Inder Iqbal-isa shisem.
Hombarnü osangbener senden nung NSSH Branch Manager, Peter Thawngneihchina aden.