Tanü NE state tem tzünglu aser yipru tesashi aittsü akok

Shillong, April 16 (Agencies): Taoba hopta ana tashi Shillong yimti aser temeket nung tsüngsang-mopung metetzüteti menoknok ana, tatsük den külemi yipru mopung agi kongshiogo.
Honibar anepdanga Shillong aser temeket tesemtem nung tzünglu den rü kanga sashia aluogo aser nikongdang tesü tashi tsüngsang mopung mejungi liasü.
Rü tsükba ajanga ki aika nung kichiba aina raksatsü, aser yimti tesem kar nungbo süngdong aika laoa liasü.
Deobarnü northeast tesem aika nung tzünglu tesashi den rü tsüktsü, ta Shillong nung Meteorological department-i metetdaktsüogo.
Meteorological department-i, Deobarnü Assam, Meghalaya, Nagaland, Manipur, Mizoram aser Tripura nung tzünglu aser yipru tesashi den rü alatsü akok, ta tetzütetba osang metetdaktsü.