Tanü NFNS-i Assam & Tripura noktanger

Guwahati, December 15 (Agencies) : December 16, 2015 nü National Federation for New States (NFNS)-i ghonda 12 Assam aser Tripura noktangtsü ayongzükogo.
Lungkak aitba sentongji anepdang 5:00 ako nungi nikongtsütsü 5:00 ako tashi agitsü aser ABSU, JACAS, ADSU, NDFB(P) o PJACBM teloktemia pusema nungiter.
Temalen agüja aliba teloktemi Bodoland, Karbi State, Dimaraji, aser Tipraland tentettsü takhangba agütsür. Centre sorkari Assam aser Tripura nung parnoki aginüba ama separate/autonomous state magütsüba anema iba lungkak aitba sentong ayongzüker, ta tayongertemi metetdaktsü.
Lungkak aitba mapang nüngdakba aser emergency services, kiyimba aser tamangba yimsü dak sendakba sentong, ambulance, pharmacy aser kaketshirtem tatidang agütsüi aobabo menoktangtsü ta tayongertemisa metetdaktsüogo.
Ano külen, Assam Police-ia NFNS-i noktangba mapang senzüsenbonger asoshi escorts agütsütsü ta metetdaktsüogo.