Tanü Noklak nung “Peace Rally’ alitsü

Kohima, Oct.01 (TYO) : Nagaland anüdoklen talisa Noklak sub-division nung telok balala tsüngda mepetmesü adoka tensa mesüngjemteti dang aliba anema October 2, 2015 nü Khiamniungan Tribal Council (KTC)-i anir yimjung asoshi lokti senden ka ayongzüka lir.
Iba sentong nung ENPO kübok aliba kintem Chang, Khiamniungan, Konyak, Phom, Sangtam aser Yimchunger nungertem ajaki shilem agitsü ta metetdaktsüogo. Iba sentong nung ymjung meimer senso ajak arua dendaktsüner ta parnokisa metetdaktsü.