New Delhi, April 22, 2022 (Agencies): Bay of Bengal nungi India kübok Northeast tsütsü tzü adenba mopung aonba ajanga taruba anogo pungu tashi Arunachal Pradesh, Assam, Meghalaya, Sub-Himalayan West Bengal aser Sikkim nung tzünglu arutsü ta India Meteorological Department (IMD)-i metetdaktsüogo.
Hokolbar nungi tenzüker Honibar tashi Sub-Himalayan West Bengal aser Sikkim aser Hokolbar nungi tenzüker Deobar tashi Arunachal Pradesh, Assam & Meghalaya nung tzünglu 50mm/day arutsü, ta IMD-isa ashi.
Honibarnü Nagaland, Manipur, Mizoram, Tripura, Sub-Himalayan West Bengal & Sikkim aser Kerala nung tzünglu arutsü aser yipru aittsü ta IMD-isa metetdaktsü.
Tanü Northeast nung tzünglu arutsü added by nungsang on
View all posts by nungsang →
You must be logged in to post a comment Login