Tanü NPRAAF-i longkak aittsü

Dimapur, June 02 (TYO): Nagaland Public Rights Awareness and Action Forum (NPRAAF)-i June 3, 2016 anüngdang 11:00 ako nungi Tourist Officer (Tourist Lodge) Dimapur nung mener longkak aittsü ayongzükogo; iba longkak ya Tourism Department, Nagaland nung tim masüba lenmang ajanga mapa nung shimokba anema ayongzüker, ta NPRAAF Tir, Wedieu Kronu-i tanü sangdong ka ajanga metetdaktsü.
Longkak aitba mapang nungsa osangbenertem senden ka ayongzüka akatsü, ta kasa sangdong ajangasa metetdaktsü.