Tanü NSF-i anir DAA & AFSPA anema lungkak aittsü

Kohima, July 22 (TYO) : Nagaland ajunga nung Disturbed Area Act (DAA) alitsü sangdongba anema Naga Students’ Federation (NSF)-i July 23, 2015 nü lokti lungkak aitba sentong ka ayongzüka agitsü.
Iba sentong ya asüngnep 11:00 ako nungi Kohima Local Ground nung agitsü aser DAA den külemi Armed Forces (Special Power) Act (AFSPA) agientsü atema takhangba agütsütsü.
Sentong nung Naga Hoho, Naga Mothers Association, Naga Peoples Movement for Human Right aser NSF nungi lennirtemi o jembitsü.
Kohima Local Ground nung sentong agiba sülen lungkak aitertemi Raj Bhavan-i orr Nagaland Angh nem DAA aser AFSPA agientsü atema tezüluba ka nung takhangba agütsütsü.