Tanü NTC General Council Session alitsü

Dimapur, October 11 (TYO) : October 12, 2016 nü NTC launching Day sentong nung Nagaland Tribes Council (NTC)-i General Council Session alitsü ayongzüker.
Anepdang 11:00 ako nung Indian Red Cross Complex, Kohima indang Conference Hall nung senden amentsü, ta NTC General Secretary, Nribemo Ngullie-i sangdong ka nung metetdaktsü.
Senden nung tongtipang onüktem benoka olemtsptsü aser Executive Council ajanga benokba onüktem General Council dangi bena temelaba agitsü. Senden nungsa kümsük 2013-2018 atema Council o Advisory Board nung menden tazüngtem aliba ketdangpur tasentem tenüng benoka agizüktsü, ta NTC sangdong nungsa shia lir.
September 18, 2016 nü NTC-i sangdong agütsüba den maneni iba sangdong agütsür aser General Council Members, Executive Members, Tribal Leaders aser tejaokertem ajak arua adentsü mepishir, ta mendenpurtemisa ashi.